Асноўная частка мерапрыемства стартавала раніцай ля стэлы "Мінск - горад-герой" з традыцыйнага ўскладання кветак. У ім прынялі ўдзел кіраўніцтва і прадстаўнікі Мінгарвыканкама, Федэрацыя прафсаюзаў Беларусі, розных міністэрстваў і ведамстваў, у тым ліку работнікі нашага прадпрыемства.
Асноўнай пляцоўкай для ўрачыстасцей з нагоды Свята працы стаў парк Перамогі. У парку былі падрыхтаваны займальныя інтэрактыўныя пляцоўкі ад кожнага з 15 галіновых прафсаюзаў. Прадстаўнікі Акадэміі МУС, ДАІ, Дэпартамента аховы, ДТСААФа, МНС і іншых ведамстваў прапанавалі ўнікальную тэхніку і рыштунак.
З прывітальным словам да прысутных звярнуліся старшыня Федэрацыі прафсаюзаў Беларусі Юрый Сянько і першы намеснік міністра працы і сацыяльнай абароны Рэспублікі Беларусь Наталля Паўлючэнка.
Кульмінацыяй свята 1 Мая стаў канцэрт Рэспубліканскай народна-патрыятычнай акцыі ФПБ "Мы разам - за Беларусь!".
